ISTORIA BADAK : Domin no Konfuzaun

Hadomi Ho Konfunde

Fontes foto husi Google.

Ola! belun sira imi hotu di'ak ka la'e....???

Esperansa bo'ot katak imi hotu iha kondisaun ne'ebe di'ak...😄

Iha biban ida ne'e admin hakarak Hakerek konaba Istoria Fiksi ida ne'ebe mosu iha Admin nia Imazinasaun bainhira Dosente latama Aula...😂

Fofoun Admin atu hakerek no hili titulu ida ne'e Admin seida'uk brani atu hakerek... tamba ida ne'e iha relasaun konaba sentimentu individu .. maibe nafatin ho deseju atu hafahe Istoria Fiksi ida ne'e Admin koko atu hakerek.

.

.

Iha era modernu ida ne'e, no iha idade ida ne'ebe tama iha faze adultu, lasala atu koÑese Domin no hadomi ema ida... bainhira iha interaksi entre individu rua(Mane no Feto) sempre hamosu sentimentu ida gosta malu no lakleur husi sentimentu ida ne'e hakat ba hadomi malu.. sentimentu hirak ne'e hotu mosu bainhira individu rua senti seguru ba malun bainhira sira hamutuk no senti presiza malu, mundu nakukun no laiha kores iha sira nia moris bainhira entre ida laiha sorin..

  

No husi buat hirak ne'e Mane (Nono) komesa habrani nia aan atu deklara sai saida maka nia sente durante ne'e ba feto (Ana) ( iha Ana nia laran mós deseju boot hela no hein liafuan ne'e) iha momentu ne'eba rai besik nakaran ona.. manu sira komesa hakat sae ba ai-leten hodi buka fatin no besi boot oras nian hatur aan iha tuku 18:00 no dosente mos hakat sai ona husi odomatan no hatudu katak klasse remata no oras atu fila ba uma mos deskreve ona...

Ana ho nia kolega feto sira ida babain la'o hamutuk ne'e hakat sai ona husi odomatan atu ba hein Mikrolete 03 hodi fila ba uma.. no iha momentu ne'eba Nono mos habrani aan atu hateten sai ba Ana..

   Nono ho nia kolega feto naran Laura ne'ebé baibain sira la'o hamutuk sira nain rua la'o tuir Ana husi kotuk no iha Nono nia Laran Komesa mosu konfuzaun atu Bolu ka lalika, bolu nia ka lalika, no too ikus Nono deside atu bolu.. mos antes Nono bolu, Ana ultrapassa ona Zebra Cross🚦🚧 maibe Nono nafatin esforsu aan hodi duni tuir Ana no koko atu deskreve sai saida maka Nia senti husi fofoun sira halo amizade iha semester I no to agora sira semester IV.. Antes Ana hare'e ba Nono, Ana nia kolega ida rasta tiha nia hodi ba kios no sosa be'e.

   Maske iha difikuldade oioin tan atu hateten sai Nono nia sentimentu ba Ana, nudar nia kolega Laura senti ladun furak no halai ba.. hodi bolu Ana no dehan: Nono presiza atu koalia buat ida no grasas Ana la'o tuir Laura hodi ba hasoru Nono.

  Ran komesa nakali🔥, kakukat komesa halai makas🌀⚡, kosar komesa tun hodi habokon faru no fuan ne'e hahu duk dak makas liu tan no nanal komesa baku atu hasai liafuan murak ne'e ba Ana.. Ana Hakbesik ba Nono... no Nono Komesa habrani an hodi dehan ba Ana *Hau Gosta O* no o hakarak ka sai kores ida hodi prense hau nia arkuiris neen seluk...

   Ana mos fuan💞 komesa duk dak makas ona.. Ana lahatene atu resposta saida no rai mos komesa nakukun dadaun ona Besi bot oras nian hatur aan ona iha 18:45 no mikrolete 03 ida dook hela iha lampu 🚥merah🚥 Ana ho jestu bobar no hafila lia hodi hare ba oras no dehan ba Nono,, Kalan ona no Mikrolete mos araska... ida ikus mai ne'eba ne'e mamuk hela, bele kah Ha'u fila ona no Aban mak ha'u fo resposta ba o nia deseju ne'e... no Ana mos para bemo ne'e hodi hadook an husi Nono nia sorin loss...

    Iha Kuartu laran ne'ebe nakukun Ana ho nia boneka teddy bear ne'ebé baibain hamaluk nia iha tempu kalan no toba hodi hanoin hela Nono nia liafuan.. katak atu simu nia ka labele.. Ana fofoun mos iha laran ba Nono maibe nia sei konfunde boot tamba nia tauk Nono la seriu no halimar ho sentimentu ne'ebe sira iha... Ana hanoin no analiza nafatin ho lalaok no hahalok ne'ebe Nono hatudu durante ne'e ba nia.. Iha Nono nia kuartu laran Nono ho laran taridu no tauk atu Ana sei lasimu no la foo resposta positivo ne'e ba nia..

    Manu fuik komesa kanta no loron matan komesa hatudu nia furak ba mundu... i besi naruk mos hatur aan ona iha 07:30 Ana pronto ona atu ba Kampus no Nono mos hanesan..

Too iha Kampus 🏢 Ana Hetan Nono tur hela iha koridor sala 01 nia oin no Ana habrani aan hodi hakbesik aan ba Nono no hatan ba perguntas ninian nee...

   👨Nono...., bele ka? Ha'u hatan agora ba perguntas ida horseik o soe hela mai ha'u ne'e, tamba sai ona hanesan tusan ida atu ha'u bele selu.. ...Nono simu hodi hatan ba Ana : Se o prontu atu hatan entaun hatan...!! Entaun hatan dadaun ba.. se la'e rai hela hanesan istoria ida hodi hatutan ba jerasaun foun sira.....
Ana komesa hatan ba Nia hodi dehan :* Nono.... deskulpa ehhh!!! La'os ha'u lagosta o, La'os ha'u lakoi atu preense o nia arkuiris, no la'os ha'u lakoi atu simu o... maibe situasaun no kondisaun ne'ebé o deskreve hela mai ha'u atu haree no analiza ne'e susar tebes, tamba sei iha perguntas no konfuzaun barak..

 Lalika hatan ba konfuzaun ne'ebe ha'u iha, husik ba..!! ida ne'e sai hanesan ha'u nia frakeza, tamba seidauk bele kompreende didi'ak o nia DomiN ne'e.. Husik ba ida ne'e sai hanesan istoria ida atu ita bele hatutan ba mundu.. maske laiha Sinal ida atu hametin ita nia relasaun Domin, maibe ha'u nafatin konsiente o hanesan kolega ne'ebe ha'u hadomi*...

Nono ho laran triste no ksolok hodi simu realidade, no hatan ba Ana... *deskulpa Ana, tamba seidauk bele sai hanesan ema ida ne'ebe o hakarak, hodi hamosu konfuzaun oioin iha o nia neon...  ha'u lakoi koalia barak tan ona, so liafuan HADOMI maka ha'u atu deskreve ba o.. maske ita laiha relasaun Domin entre individu, maibe ha'u hakarak o sai nafatin hanesan Ana ida ne'ebe ha'u hatene no koÑese, hodi hamaluk nafatin ha'u hanesan kolega*.

Husi dook seÑor ida ho stile rapi hahu hakbesik aan mai no haruka sira tama sala laran, hodi komesa aula daudaun ona..

No teki teki admin mos komesa atu hakotu Istoria badak ne'e no taka ho konkluzaun...

Sentimentu Domin Ne'ebé ANA no NONO hatudu ne'e igual, maibe nafatin mosu konfuzaun barak iha Ana nia Neon hodi labrani hakat ba koridor foun, atu hamutuk ho Nono...

Baze dahuluk atu hala'o relasaun foun ida maka: Iha fiar ba Malu, no habrani aan atu husu perguntas no halakon konfuzaun ne'e hotu... Maske sira nain rua Kolega kleur ona, maibe Ana nafatin lafiar ba Nono, tamba Situasaun no kondisaun maka la fo fatin ba Ana atu kompriende didi'ak..

Maske, domin ne'e labele buras no sei laiha naroman, basa laiha deseju ne'ebe forte atu halakon sentimentu ta'uk ne'ebé forte.. nune'e domin ne'ebé sira iha nafatin buras hanesan kolega di'ak ne'ebé sempre iha ba malun, mesmu tauk atu la'o ba oin no maske nafatin iha konfuzaun, tamba labranii atu hateten sai saida mak iha fuan ne'e. Maibe nafatin laran ne'e nafunan ba beik, tamba nia iha sorin hodi hamaluk nafatin.. maske lasai hanesan, Nia no kolega seluk nia deseju tamba de'it konfusaun no sentimentu tauk ne'e ...
Tan ne kolega lee nain sira hotu habrani aan atu halakon kualker konfuzaun iha neon atu situasaun ne'ebé iha labele sai komplikadu liu tan....👌❤😍

Hakerek Husi Kaina Gusmão👧👒❤